Automatischer Sake Dispenser
Donnerstag, 20. Januar 2011
Mitarbeiterausflug nach Atami Part 1
Treffpunkt vor dem Hotel
Ausblick aus dem Hotelzimmer in Atami
Breaktime im Rosegarden.. Naja, nit grad d Joohresziit defür, aber egal :)
Dört hinde isch Yokohama!! :)
En chliine Bonsai Baum :)
Atami by night!
Dienstag, 11. Januar 2011
Freitag, 7. Januar 2011
Mittwoch, 5. Januar 2011
Die ersten Tage in Japan
Liebes Tagebuch.. Nei Quatsch, aber glich echli öbis über die erschte Täg in Japan.
Am 28. Dezämber 2010 bin ich mit knapp 1h Verspötig in Tokyo Narita am Flughafe glandet. Wie üblich het mr es ziitli miesse bi de visum kontrolle aastoh, defür isches nochhär bi de gepäckkontrolle sehr schnäll gange. Isch ebe scho vo Vorteil wenn mr scho echli Japanisch kann und sich mit dene Lüüt dört uf Japanisch kann unterhalte. Er het mi nämlich nume gfrogt was ich mach und öb das all mis Gepäck seig und denn het er mich eifach duregwunke :)
Naja, stresse hani nit würklich miesse, will nochhär hani 4h uf min Bus zum Hotel miesse warte. Im Bus bini denn au grad igschlofe und erscht churz vorem Hotel wieder ufgwachet. Dört acho, bini zerscht emol is Personalbüro brocht worde, wo ich no es paar Sache ha miesse unterschriebe. Wie das in Japan so üblich isch, han ich denn au scho vo allne dört grad es Visitechärtli beko. Nachdem isches denn zu de Uniform Aaprob gange und es het en Rundgang geh wo so d Kantine, WC, Laundry, usw. alles isch. Aber ich muess mol luege, öb ich mich do no an alles kann erinnere am 12. Januar. Es händ mich uf jedefall alli scho mit grosse Auge agluegt, wer denn de Usländer ächt isch wo jetzt bi uns afangt schaffe.. :)
Unterdesse isches scho öbe 6i zobe gsi und ich bi scho um die 30h unterwägs gsi. Denn het mich de Chef vom HR Büro ändlich zu minere Unterkunft brocht. Nach churzem Rundgang und Erklärig bin ich denn todmüed ändlich zu mim schlof cho.
Am nächste Tag isches denn scho Richtig Utsunomiya gange, wo ich jo vorhär in dr Schuel gsi bin. Dört kenn ich jo es paar Lüüt und ha drum nit ganz elleige müesse Neujoohr verbringe. Am obe het de Kolleg no müesse schaffe und ich ha mit mine ehemalige Lehrerinne abgmacht zum Ässe. Irgendwie sind mr denn uf Karaoke cho und händ no echli umetelefoniert. Schlussändlich simmer denn bis am nächste Morge am 5i, z 7te in dr Karaoke gsi. Am 30. Dezämber hani drum so ziemlich de ganzi Tag gschlofe.
Am 31. Dezämber han ich denn es Auto gmietet und all mini Sache wo ich no dört gha han uf Tokyo brocht. Ufem Hiiwäg han ich denn au grad no en Decki fürs Bett kauft, will das hets dört nonig gha. Das ganze het denn öbe 9h duuret bis mir wieder zrugg in Utsunomiya gsi sind. Um die 11i simmer denn richtig Tempel in dr Innestadt gloffe, wo sich scho vieli Lüüt versammelt händ. Mr het denn müesse aastoh und eigentlich in dr Schlange inne s Neujoohr gfiiret. Nachdem isch mr nämlich so Grüppliwiis in Tempel inegloh worde, um dört sini Wünsch fürs neue Joohr aazrbinge und do defür z bätte. Isch echli andersch als in dr Schwiiz gäll! Aber eigentlich en schöni Sach. Nachdem hämmer denn no es Bierli trunke und sind denn müed is Bett.
Die nächste Täg hani eigentlich nit eso viel gmacht. Ich ha mr no s Internet zuetoo und am 2. Januar hani no en Japanischi Kollegin troffe und mit ihre no öbis gässe.
Am 3. Januar bini denn scho wieder zrugg nach Tokyo. Won ich zobe denn in dr Unterkunft acho bin, sind 2 Lüüt in dr Lobby gsässe und händ mich sofort mit Name begrüsst. Bi grad echli erschrocke, öb ich die denn sött kenne. Es het sich denn heruusgstellt, dass sie mit mir wärde zämme schaffe und min Name kenne anschiinend scho es paari :)
Ich ha denn schnäll mini Sache is Zimmer do und bi denn wieder abe und ha echli mit ihne quatscht. Es sind denn no öbe 5 anderi drzuecho wo au mit mir wärde zämme schaffe. Alles mega nätti und sie händ viel über d Schwiiz gfrooget.
Die letschte paar Täg hani jetzt viel mit schlofe verbrocht. Dies und das no iichaufe wo no fehlt und zobe immer es langs japanischs Bad zneh. Wie grad au vorhär. Und drum isches jetzt definitiv Ziit zum is Bett z go.
Guet Nacht. Und ich freu mich uf euchi Mails.
Liebs Griessli an alli
Am 28. Dezämber 2010 bin ich mit knapp 1h Verspötig in Tokyo Narita am Flughafe glandet. Wie üblich het mr es ziitli miesse bi de visum kontrolle aastoh, defür isches nochhär bi de gepäckkontrolle sehr schnäll gange. Isch ebe scho vo Vorteil wenn mr scho echli Japanisch kann und sich mit dene Lüüt dört uf Japanisch kann unterhalte. Er het mi nämlich nume gfrogt was ich mach und öb das all mis Gepäck seig und denn het er mich eifach duregwunke :)
Naja, stresse hani nit würklich miesse, will nochhär hani 4h uf min Bus zum Hotel miesse warte. Im Bus bini denn au grad igschlofe und erscht churz vorem Hotel wieder ufgwachet. Dört acho, bini zerscht emol is Personalbüro brocht worde, wo ich no es paar Sache ha miesse unterschriebe. Wie das in Japan so üblich isch, han ich denn au scho vo allne dört grad es Visitechärtli beko. Nachdem isches denn zu de Uniform Aaprob gange und es het en Rundgang geh wo so d Kantine, WC, Laundry, usw. alles isch. Aber ich muess mol luege, öb ich mich do no an alles kann erinnere am 12. Januar. Es händ mich uf jedefall alli scho mit grosse Auge agluegt, wer denn de Usländer ächt isch wo jetzt bi uns afangt schaffe.. :)
Unterdesse isches scho öbe 6i zobe gsi und ich bi scho um die 30h unterwägs gsi. Denn het mich de Chef vom HR Büro ändlich zu minere Unterkunft brocht. Nach churzem Rundgang und Erklärig bin ich denn todmüed ändlich zu mim schlof cho.
Am nächste Tag isches denn scho Richtig Utsunomiya gange, wo ich jo vorhär in dr Schuel gsi bin. Dört kenn ich jo es paar Lüüt und ha drum nit ganz elleige müesse Neujoohr verbringe. Am obe het de Kolleg no müesse schaffe und ich ha mit mine ehemalige Lehrerinne abgmacht zum Ässe. Irgendwie sind mr denn uf Karaoke cho und händ no echli umetelefoniert. Schlussändlich simmer denn bis am nächste Morge am 5i, z 7te in dr Karaoke gsi. Am 30. Dezämber hani drum so ziemlich de ganzi Tag gschlofe.
Am 31. Dezämber han ich denn es Auto gmietet und all mini Sache wo ich no dört gha han uf Tokyo brocht. Ufem Hiiwäg han ich denn au grad no en Decki fürs Bett kauft, will das hets dört nonig gha. Das ganze het denn öbe 9h duuret bis mir wieder zrugg in Utsunomiya gsi sind. Um die 11i simmer denn richtig Tempel in dr Innestadt gloffe, wo sich scho vieli Lüüt versammelt händ. Mr het denn müesse aastoh und eigentlich in dr Schlange inne s Neujoohr gfiiret. Nachdem isch mr nämlich so Grüppliwiis in Tempel inegloh worde, um dört sini Wünsch fürs neue Joohr aazrbinge und do defür z bätte. Isch echli andersch als in dr Schwiiz gäll! Aber eigentlich en schöni Sach. Nachdem hämmer denn no es Bierli trunke und sind denn müed is Bett.
Die nächste Täg hani eigentlich nit eso viel gmacht. Ich ha mr no s Internet zuetoo und am 2. Januar hani no en Japanischi Kollegin troffe und mit ihre no öbis gässe.
Am 3. Januar bini denn scho wieder zrugg nach Tokyo. Won ich zobe denn in dr Unterkunft acho bin, sind 2 Lüüt in dr Lobby gsässe und händ mich sofort mit Name begrüsst. Bi grad echli erschrocke, öb ich die denn sött kenne. Es het sich denn heruusgstellt, dass sie mit mir wärde zämme schaffe und min Name kenne anschiinend scho es paari :)
Ich ha denn schnäll mini Sache is Zimmer do und bi denn wieder abe und ha echli mit ihne quatscht. Es sind denn no öbe 5 anderi drzuecho wo au mit mir wärde zämme schaffe. Alles mega nätti und sie händ viel über d Schwiiz gfrooget.
Die letschte paar Täg hani jetzt viel mit schlofe verbrocht. Dies und das no iichaufe wo no fehlt und zobe immer es langs japanischs Bad zneh. Wie grad au vorhär. Und drum isches jetzt definitiv Ziit zum is Bett z go.
Guet Nacht. Und ich freu mich uf euchi Mails.
Liebs Griessli an alli
Dienstag, 4. Januar 2011
Japan 2011 - Dies und das
At London Heathrow
Tokyo Tower - Emol vom Auto us
Yummy
Und grad nomol: Japanese Ramen
Abonnieren
Posts (Atom)
